Akileeqqusinnginneq akerlilerneqarpoq

Naalakkersuisunut illuatungiliuttut Demokraatit Atassullu isumaqarput naalakkersuisunut ilaasortat ilassinnissutissanik aningaasanik atornerluisimasutut isumaqarfigineqartut atukkaminnik utertissisussaajunnaarlugit Naalakkersuisut siulittaasuannit, Hans Enoksenimit, naliliiffigineqarnerat eqqumiiginarluinnartoq tamannalu qanoq iliuuseqarfigineqartariaqartoq.

Siullermik Atassutip siulittaasua, Finn Karlsen, ima oqarpoq.

- Atassutip siulittaasuata tupigusuutigaa naalakkersuisut siulittaasuata imaaliallaannaq aalajangermagu akiliisussatut oqaatigereerlugit akiliisinneqassanngitsut, naak aningaasanik atuisimasut namminneerlutik akiliinissartik piareersimaffigereeraat, tassa nalunnginnamikku ilassinninnissamut malittarisassat uniorlugit atuisimallutik, Finn Karlsen oqarpoq.

Atassutip siulittaasua aamma oqarpoq Atassutip siulersuisuuneri isumasiorniarlugit Hans Enoksenip akiliisussaajunnaarsitsinera aallaavigalugu.

Demokraatinit aamma akiliisussaajunnaartitsineq eqqumiigineqarpoq, killissaalu tikillugu malersorusunneqarpoq. Palle Christensen oqarpoq:

Tupaallaatigaarput naalakkersuisut siulittaasuata akiliisussaajunnaarsitsilluni nalunaarnera inatsisilerituutigullu siunnersuutigineqaraluarpoq atornerluisoqarsimasoq, aamma akiliisinnaajunnaarsitsineq naalakkersuisut siulittaasuannit maanna erseqqissumillluunniit tunngavilersorneqanngilaq, uannillu isigalugu imaappoq Hans Enoksenip parteeqatini naalakkersuisooqatinilu ikinngutissarniarfigigai, akuerineqarsinnaasumillu nassuaateqarnissaa pisariaqarpoq, demokraatinit Palle Christensen oqarpoq.

Palle Christiansen aamma oqarpoq naalakkersuisut siulittaasuat paasinartumik nassuiaateqanngippat inatsisilerituut aqqutigalugit akiliisitsiniarnissaq angunialersaarlugu.

Isummersuutit

inatsisartut-sal-sep2019.jpg

Inatsisartut Ukiakkut Ataatsimiinnerat



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat