Akerliussutsiminnik aqagu takutitsiniarput
Kenyami naalakkersuisunut illua-tungiliuttut nalunaarput aqagu tallimanngornermi nunap illoqarfiisa pingaarnersaanni, Nairobimi narsaamanersuarmi ataatsimeersuartoqassasoq, tamannalu ungasinngitsukkut qinersinermi peqquserluttoqarsimaneranut akerliunermut ersiutaassasoq.
Allattoq Mads Lynge
Nairobimi ullumi akerliussutsimik takutitsinissaraluaq taamaatiinnarsimavaat, akerliussutsimik takutitsisut politiillu aporaatilernissaat pinngitsoorniarlugu.
Kenyami qinersinerup kingorna perulluliornerit unitsinniarlugit EU-miit USA-miillu illua-tungeriit naalakkersuisooqatigiilernissaat kaammattuutigineqaraluarpoq.
Kenyami perulluliornerit manna tikillugu inuit 300-t sinneqartut toqutaanerinik kinguneqareerput, arlalinnillu tusindillit najugaqarfimminniit qimaatinneqareerlutik.