Akerliussutsimik takutitsiniaraluit sunngitsoorput
Kenyami naalakkersuisunut illuatungiliuttut Kenyap illoqarfiisa pingaarnersaanni Nairobimi inuppassuarnit peqataaffigineqartussamik naalakkersuisunngortumut akerliunermik takutitsiniaraluarneq piviusunngunngitsoorpoq. Taamaammat neriuutigineqalerpoq, aassunneqisumik akersuunnerit unitsinneqarsinnaanngussasut.
Allattoq Mads Lynge
Nutaarsiassaqartitsivik Reuters Afrikap ilaani Kenyamiititaqartoq nalunaarpoq, eqqissiviilliorsinnaasunik maanna illoqarfimmi takussaasoqanngitsoq, naak, tappavani ullaap tungaani qulinut takutsitsiniaqatigiit katersuunniaraluartut.
Kenyami innuttaasut akersuunnerit qatsutivippaat, unittariaqarsoralugillu, nalunarallarporli eqqissisimaneqalissanersoq, sapaatip-akunnera kingullerli qinersinermi, Kibaki ajugaammalli ajorsartoq Odinga akerliussutsimik takutitsisoqatissarsiortuarmat.