Akerliussutsimik takutitsinerpassuit

-Naakkittaatsumik naalakkersuineq, qunutitsilluni naalakkersuineq, peeritsi, peeritsi, ajugaassaagut, Indiami Burmami ambassadep silataani akerliussutsimik takutitsisut ilaatigut taama suartarput. Soorlu allani aamma taamaattoq, Burmami mattuttut, nunagisaminnit qimarngusutut inuusut, akerliussutsimik takutitsinerni aqutsisuupput. Akerliussutsimik takutitsisoqarnissaa Inuttut pisinnaatitaaffinnik Illesruiniaqatigiiffiup kaammattuutigisimavaa. Nunani arlalinni, soorlu Asiami Australiamilu akerliussutsimik takutitsisut amerlagisassaasimanngillat, tassaasimallutik Burmamiut tamaani nunasisimasut, Londonimili inuit 1500-t missaaniissimapput Bruxellesimilu 1000-t missaanniissimallutik. USA-p Tuluit Nunaatalu Burmamut pillaanerit sakkortuseqqinniarlugit sioorasaarutigaat, sakkutuulli naalakkersuisut pisortaat, Than Shwe, soorlu sakkortusaarpallaarunnaartoq, oqarsimavormi illuatungiliuttut siulittaasuat ukiuni kingullerni aqqaneq-marlunni illuminit aneqqusaasimanngitsoq naapikkumalersaarini.