Ileqquusoq malillugu inuiattut ullorsiornitsinni aasaanerani saqqummersitsineq borgmester Simon Simonsenimit ammarneqarpoq.
Katersugaasivimmi aqutsisoq Ole G. Jenseni ilisimatitsivoq, ammaanermi innuttaasut eqqumiitsulianik soqutiginnittut arlallit takkussimasut.
Aka Høegh kingullermik ukiut aqqanillit matuma siorna Qaqortumi eqqumiitsuliaminik saqqummersitsivoq. Saqqummersitsineq aggustip naanerata tungaanut takuniarneqarsinnaavoq.