AK: Johanne Nielsen tunuarnak
Qaanaap kommuneani borgmesteri Johanne Nielsen Atorfillit Kattuffianni AK-mi siulittaasumit Erik Hammekenimit kajumissaarneqarpoq borgmesteritut tunuarniutiminik utertitseqqullugu.
Borgmesteri Johanne Nielsen radioavisimi ippassaq tusarparput, borgmesteritut tunuarniutini januaarip naaneraniit atuutilersussaq Qaanaap kommunalbestyrelsianut tunniussimagaa. Tunuarniuteqarnerminut pissutigaa, Qaanaami innuttaassut nammineq borgmesteriunerminut akerliussutsimik atsiortitsiortorsimanerat, aamma namminerminut qitornaminullu ajortumik pinninnissamik sioorasaarnerit, kiisalu kommunip allaffiani allaffimmi igalaavinik aserorterisimaneq.
- Johanne Nielsenip taama nalunaaruteqarnera, nunatsinni innuttaasuni, naapertuilluarnermik pingaartitsisuni, qamuuna attortinnarsimassasoq naatsorsuutigaara. Ilami pisimasoq imaannaanngilaq, nunatsinnilu takornartaallunilu tusarnartaavoq, Erik Hammeken allakkamini ammasuni oqarpoq.
-Nunatta oqaluttuarisaanerani siullerpaamik peqarniisaarniat inuit tamarmik oqartussaaqataanerat malillugu qinigaasimasumik uppititsipput. KAKKAAK, nangippoq.
-Qaanaami massakkut pisoq suusupagiinnarlugu tusaatissatullu tiguinnarlugu pissagutsigu tupinnassaqaaq. Taamaattumik Borgmester Johanne Nielsen kaammatussavakkit piffissaq siullerpaaq atorlugu tunuarniutit utertillugu allagaqaqqullutit, sulinngiffeqarnerillu atorunnaarsillugu borgmesteritut sulileqqeqqullutit. Atorfillit Kattuffiata siulittaasua Erik Hammeken oqarpoq, eqqaamaqqullugulu peqqarniissaarniat nakkaannarfigineqarnissaannut akerlioqataanini tunniutiinnannginnermigut takutissagaa.
