Ajutoornermut pissutaasoq paasineqarpoq
Timmisartup assakaasuisa ajoquteqarnerat ajutoornermut pissutaasoq Air Icelandip pisortaanerata Árni Gunnarssonip timmisartumi aquttut oqaloqatigereerlugit nalilerpaa.
Allattoq Jaaku Lyberth
Air Icelandip pisortaanera Nuummut arfinngormat tikippoq, timmisartoq ajoqusertoq misissoriartorlugu.
Timmisartoq ajoqusertoq angallassisinnaaleqqissinnaanersoq maannakkut oqaatigisinnaanagu, Árni Gunnarsson oqarpoq.
- Timmisartoq annertuumik ajoquserpoq, iluarsaanneqarsinnaanersoq sillimassiisarfiup taamatullu timmisartumi teknikeritta nalilerumaarpaat, Árni Gunnarson aviisimi Politikenimi apersorneqarluni oqarpoq.
Sakkortuumik anoraasuarnera timmisartup ajoquserneranut patsisaanngitsoq, timmisartullu assakaasuisa napinerat patsisaasoq, Árni Gunnarsonip oqaatigaa.