Nuup eqqaani sisorariarfigineqartartut ilaanni kangerluarsunnguani, angut sukkasuumik ingerlalluni qamuteralatsilluni tallimanngormat ajunaarpoq. Angutip kinaassusaa Politiinit nalunnaarutigineqanngilaq.
Ajutoorfiup nalaanut helikopteri politiimik nakorsamillu nassartoq aggertinneqarsimagaluarpoq, apuunnermili nakorsap nalunaarutigisinnaasimavaa angut 28-inik ukiulik ajutoornermini toqusimasoq, taamma nuummi politiit nalunaarpoq.
- Qamuteralannik ingerlatilluni angut ajutoorsimavoq, qanorpiarli pisoqarsimanera misissorluarneqartoq, Nuummi politiassistent Frederik Heilmann oqarpoq.