Ajunaarsimasunik eqqaaniaapput
Ukiut pingasut matuma siorna tassaarsuaqallarmat annattuusimasut ajunaartorpassuit iliveqarfianni naalaffinniluunniit katersuullutik qinullutillu ullumi eqqaaniaapput.
decembarip 26-at 2007 17:36
Tassaarsuarmat nunanit assigiinngitsunit aqqaneq-marlunneersut inuit 230.000-t ajunaarput – takornarniat Europameersut 2.500-t taakkununnga ilaallutik.
Ajunaartunit qimataasorpassuit qeqertami Java-mi, Indonesiap illoqarfiisa pingaarnersaata, Jakarta-p, qanittuaniittumi katersuupput, siggartaatillu kalerrisaarutit sissani aallarterrapput, tassaarsuaqaqqissagaluarpat kalerrisaarutit nutaat qanoq nipaqarnersut paasineqarniassammat.
Nutaanik kalerrisaarutitaarniarnermi nunat arlalissuit ikiuussimapput, sinerissamilu sumiiffinni assingiinngitsuni kalerrisaarutitaartorsimapput. Aappaaguli 2008-mi suli sanaartortoqarniarpoq.
