Ajunaarnersuarmut aningaasartuutit nunap karsianit pissarsiarineqassasut
KNR-ip pissarsiarisimasaani Kommunimut allakkami avannaata kommuniata Uummannap sulluani tassaartoqarneranit aningaasartuutaatai nunap karsianit qanoq utertinneqarsinnaaneranut periarfissat naalakkersuisoqarfiup pisortaata, Nikolai S. Christensen nassuaatigai.
Nuugaatsiami sapaatip akunnerata naanerata siuliani pisutulli ajunaarnersuaqarnissamut aningaasat 50 millionit koruunit immikkoortitaasut Naalakkersuisut siulittaasuannut tullersortip, Sara Olsvigip tusagassiortunik katersortitsinermi juunip 18-iani oqaatigaa.
AAMMA ATUARUK Tassaarsuaqarneranik eqqugaasunut islandimi katersuiniarneq ingerlalluartoq
Taakkulu ”ajunaarnersuaqarneranut aningaasat immikkoortitat” Qaasuitsup Kommuniata utaqqiisaasumik inissiinermut ilaatigut illumut attartornermut akiliutissatut, pisariaqartunillu soorlu siniffinnik, madrasinik qipinnillu pisinermut aningaasartuutaasunut maanna atornialerpaat.
Kommunip nerisassanut, atisanut kaminnut allarutinullu aningaasartuutit aamma utertinniarpai. ’Ajunaarnersuaqarnissaanut aningaasat immikkoortinneqarsimasut’ innuttaasut aamma inissiffissaannukaannerannut ilaatigullu utaqqiisaasumik inigisaannut akiliinermut atorneqarsinnaapput.
Ataatsimiititaliamit ikiuisoqassasoq
Ajunaarnersuaqarneranut atasumik nalinginnaasumik aningaasartuutit allaapput.
Allarluinnaavorlu innuttaasut qimagussortinneqarsimasut piffissami aggersumi, qaammatini ukiuniluunniit arlariinni tulliuttuni inissaqartinnissaat ilimagineqarsinnaammat. Ajunaarnersuaqarnissaanummi immikkoortitat 50 millionit koruunit illunik sanaqqinnissamut iluarsaanissamulluunniit atornissaat inatsimmi tunngavissaqanngilaq.
Namminersorlutillu Oqartussaniit ikiorsiissuteqartoqanngajalersinnaavoq.
AAMMA ATUARUK Løkke ikiuuteqqinnissaminut piareeqqavoq
Naalakkersuisut nunap karsianiit immikkut utaqqiisaasumik aaqqiissuteqarnissamut atorneqartussanik aningaasanik Inatsisartunut qinnuteqarniarput, taakkulu piffissami aggersumi pingaartumik Nuugaatsiarmiunut naleqqutilernissaat naatsorsuutigineqarsinnaasoq Qaasuitsup Kommunianut allakkami atuarneqarsinnaavoq.
AAMMA ATUARUK Eqqugaasut ikiorneqassapput
