Tassaarsuaqarneranik eqqugaasunut islandimi katersuiniarneq ingerlalluartoq

Nunatsinni tassaarsuaqarneranik eqqugaasunut Islandimi nuna tamakkerlugu katersuiniarneq ippassaanikkunni aallartinneqarpoq.
Allattoq Karsten Sommer
juunip 22-at 2017 07:52
Nutserisoq Simon Uldum -

Ullullu marluk qaangiutiinnartut islandimiut aningasaataannik 5 millionit koruunit sinnerlugit, tassalu 317.000 koruunit missaat, katersoqarneqareerput.

Islandimi Kirkens Nøhjælpimi pisortaq, Hjálparstarf Kirkjunnar, oqaluttuarpoq katersuiniarnermut aningaaserivikkoortumut sms-ikkoortumullu taama sukkatigisumik qisuariartoqarnera aatsaat takullugu.

Hrafn Jökulssonip, skakkertartut peqatigiiffianni Hrókurinnimi siulittaasup Kalaallit Nunaannullu ikinngutigiittut peqatigiiffimmi Kalammi ilaasortaasup, oqaatigaa Island Nunatta ataqatigilluarneranik ersersitserusuttoq katersuiniarnerlu aatsaat aallartilaaginnartoq.

Islandimioqatinilu kajumissaarpai Nunatsinni inuiattut ullorsiornermi asannittumik inuulluaqquseqqullugit sapinngisamillu katersuiniarneq tapersersoqqullugu.

Aamma Nunatta Islandillu niuernikkut suleqatigiiffiata GLIS-ip ilaasortani kajumissaarpai katersuiniarnermut tunissuteqaqqullugit.

 

Nutaarsiassami kukkunermik nassaarsimaguit uunga allaffigineqarsinnaavugut.

Aamma atuaruk