Ajunaarnermut peqqutaaqataasinnaasut ilisimatuup taakkartorpai

Imaani Nakkutilliisoqarfiup Qajaq Trawl sillimaniarnermi sumiginnaasimasutut politiinut tallimanngornerup siuliani unnerluuppaa. Raajarniummi 'Markus'-imi inuttaasup inuuneranik naleqartumik upernaaq ajutooortoqarnera nalunaarutigininnermut tunngaviuvoq.

Maanna Kalaallit Nunanni politiit suliaq aalluteruttorpaat suliarli qanoq nalilernerlugu oqaatigiumanngilaat.

- Tunngaviusumik sillimaniarnermut tunngasut inissaminiisimanngillat, aamma sillimaniarnerit tamakkiisumik atuutinneqarsimanngillat, taama oqarpoq Sisse Grøn Imaani peqqinissaq aamma sillimanissaq pillugit qitiusoqarfimmit Syddansk universitetimeersoq. Isumaalu aamma ersarippoq:

- Allaanngilaq sillimanissaq sumiginnagaasimasoq aatsaat iliuuseqartariaqaraani iliuuseqartoqartarluni, tamatumalu kingorna suleriaatsinik allannguilluni, Sisse Grøn oqarpoq.

Upernaaq ajunaartoqarnerata kingorna kilisaataatillip Søren Brandtip suliffimmik naliliineq sulissutigaa.

Kisianni suliffimmik naliliineq kilisaammi 'Markus'-imi kisimi amigaataanngilaq. Kilisaat aamma angalanissamut akuersissumik atuuttumik peqanngilaq, aamma kilisaammi sillimanissamut ataatsimiitaliaqanngilaq, kilisaammullu ikinermi immikkut ittumik ilitsersuisoqarani, tassami ajunaartoq aatsaat siullermeerluni kilisaammut 'Markus'-imut ikimmat, allani ukiorpaalunni inuttaasareerluni.