Ajortumeeriniat tikilluaqqusaanngillat
Taamatut saaffiginnnittarsimanerigaluit iluatsinngitsoorput, naak Guantanamomi parnaarussat ulorianaateqanngitsutut isigineqaraluartut. Taamaattumik ajortumeriniat piffissamik killilersorneqanngitsumik suli tassa Guantanamomi parnaarussaaqqajuarsinnassapput.
Albania Europami nunani kisiartaalluni Guantanamomi parnaarussaasimasunik ulorianaateqangitsutut isigisanik tigusisimavoq.
Guantanamomi 300-nik parnaarussaaqqasoqarpoq, taakkulu ilaat 100-t iperagaasinnaagaluarput nuunneqarsinnaallutilluunniit. Parnaarussat nunaminnit tigujumaneqanngillat taamaattumillu ingerlatiinnaq Guantanamomit iperagaasinnaanatik.
Iperagaasinnaasut 100-t ilaannit 25-t missaat nunaminnut utertinneqarsinnaanngillat, naalliutsinneqarnissaat toqutaasinnaanissaalluunniit ernummatigineqarmat.
USA-mi naalakkersuisut erseqqissarpat parnaarussat marluk-pingasut nunanut ataasiakkaanut taamaallaat nuunneqarnissaat kissatigalugu.
Inuit pisinnaatitaaffiinik illersuiniaqatigiinnit Human Rights Watch-imit Naalagaaffiit Peqatigiillu naalliutsitsisarnermut nalunaarusiortartuanit Manfred Nowak-imit Danmark EU-milu nunat allat kajumissaarneqarput Guantanamomi parnaarussanik tiguseqqullugit.
