Ajornartorsiornermi saffissat
Imminortarneq pillugu Radioaviisimi sammisaqarnitsinnut atatillugu, imaannaanngitsunik ajornartorsiuteqarnermut atatillugu, saaffigineqarsinnaasut erseqqissalaassavavut.
Allattoq Elisa Isaksen
Meeqqanut inuusuttunullu saaffiginnittarfik normoqarpoq 134 – tassa 134.
Saaffiginnittarfik taanna ullut tamaasa unnukkut arfineq marluniit qulingiluanut ammasarpoq.
Normu alla inersimasunit saaffigineqarsinnaasoq taaguuteqarpoq Attavik normoqarlunilu 146.
Tassa inersimasut ajornartorsiuteqartut siunnersorneqarusuttullu 146-mut sianersinnaapput. Siunnersuisarfillu taanna taamaallaat pingasunngornikkut arfininngornikkullu unnukkut arfineq marluniit qulit tungaannut ammasarpoq.
Tusarnaartut internetikkut periarfissallit nittartagarput knr.gl iserfigalugu paasissutissanik aamma allanik ujaasisinnaapput.