Ajoqiunerit pillugit atuakkiaq saqqummerpoq

Ajoqiunerit pingaarutillit 1800-p ingerlanerani inuiaqatigiinni siulersortaasimapput, maannamullu Kalaallit Nunaanni pissutsinut sunniuteqaqataasimallutik, taama oqarpoq atuakkiortoq eskimologiusoq Søren T. Thuesen.

Ajoqit nunasiaanerup nalaani oqaluffeqarnermut atuartitsinermullu pingaaaruteqarluinnarput, Søren T. Thuesen radio aviisimut oqarpoq. Taassuma Københavnimi ullumi atuagaq ”Fremmed blandt landsmænd” nunaqqatit akornanni allanertatut, nutserneqarsinnaasoq saqqummersippaa. – Ajoqit nunasiaatillit nunaqavissullu akornanniipput, tamannalu imaannaanngitsuusimanngilaq, Søren T. Thuesen oqarpoq.

Ajoqiunerit Elias Petersen, Samuel Olsen aamma Jens Chemnitsip ullorsiutaat atuakkami nutaami 400-ngajannik quppernilimmi tunngavigineqarput. Kalaallit Nunaanni inuuneq 1920-ikkut aallartilaarnerat tikillugu oqaluttuarineqarpoq.

Atuakkanik saqqummersitsivik Atuagkat atuakkamik saqqummersitsisuupput.

Atuagarlu 394-nik qupperneqarpoq.