Ajoqit atugaat pitsanngorsarneqassapput
Ajoqit ajornartorsiutaasa ilagaat nunaqarfinni palasit suliaannik suliaqarlutik immikkut tapeqartinneqaratillu atisaminnik namminneq pisiniartariaqartarnerat, tamakkua qanoq iliuuseqarfigineqarsinnaappat?
- Sulinermut tuungassuteqartut isumaqatiginniutigineqartarmata Namminersornerullutik oqartussat iliorsinnaassusaat killeqartorujussuuvoq, taamaattumik ajornartorsiutit pineqartut tulliani isumaqatiginninniarnermi qaqilerneqarsinnaaneri naatsorsuutigisinnaavarput, taama oqarpoq Andreas Olsen, kultureqarnermut, ilinniartitaanermut, ilisimatusarnermut ilageeqarnermullu immikkoortortaqarfimmi pisortaq.
Ullumikkut ajoqit ajoqitut atorfimminni qaffaqqinnissamut periarfissaqartinneqanngillat.