Airbus misissorneqarallassaaq

Air Greenlandip timmisartuutaa, Airbus, Kangerlusuup Københavnillu akornanni angallassisartoq, tallimanngorpat apriilip ulluisa 18-ianniit maajip ulluisa 18-iata tungaanut pilersarutaareersutut misissorneqarallassaaq.
apriilip 16-at 2008 17:02

Airbusip misissorneqarnerani Boeing 757, Kunuunnguaq, angallassissaaq. Kunuunnguarli Airbusitut ilaasoqartigisinnaanngimmat saniatigut Boeing 737 attartorneqartussaq, apriilip ulluisa 21-anniit maajip aappaata tungaanut aamma angallassisalissaaq.

Ullut angallassivissat saniatigut Kunuunnguaq sapaatikkut apriilip ulluisa 27-anni, sapaatikkut maajip ulluisa sisamaanni arfininngornikkullu maajip ulluisa qulinganni Kangerlussuup Københavnillu akornanni angallassisassaaq.

Air Greenland nalunaarpoq pilersaarutigineqareersutut ilaasussat amerlassuseqassasut imaassinnaasorli angalasussat ilaasa ullut angallavissaat allanngortinneqartariaqassasut.

Angalanissaminnut inniminneereersimasunut tamanna sunniuteqssanngitsoq Air Greenlandip aamma erseqqissaatigaa.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq