Airbus 380 Danmarkimut merngaartoq ussaffigaat
Nunarsuarmi timmisartut annersaasa ilaat, Airbus A380, pernaammik Danmarkimut ullaaq mimmat timmisartumik nuannarisalippassuit ussagarput.
septembarip 15-at 2010 16:35
- Ullaakkut qaqutigorsuaq makiaartarpunga, oqaluttuarisaanermili una pisoq pingaaruteqaqimmat ullaaq makiaarpunga. Tupinnaqaaq timmisartoq taama angitigisoq Danmarkimut missinnaammat.
Timmisartunik nuannarisalik, Michael Mortensen, taama oqarpoq. Taanna, timmisartunik nuannarisalippassuit allat peqatigalugit, Airbus A380 Danmarkimut mimmat ussattunut ilaavoq. Timmisartorsuaq siullerpaamik, immaqalu kingullermik, Danmarkimut tikippoq.
Kastrupimi mittarfiup kangisissuani nalunaaquttap akunnerini marlussunni uninngariarluni timmisartorsuaq Sverigemukarluni aallarpoq.
Airbus A380 2007-imi atuleqqaarmat Kangerlussuarmut aamma missinnaanissaa mittarfimmi sulisut nalilerpaat.
