Air Icelandimut isumaqatigiissut unitseqquaat
Aningaasaqarnermut naalakkersuisup piaartumik ataatsimeeqatigineqarnissaa pisariaqarpoq, timmisartortitseqatigiiffimmillu Air Icelandimik isumaqatigiissuteqarnerup atorunnaarsinneqarnissaa suliniutigineqartariaqartoq, Siumut sinnerlugu aningaasaqarnermut ataatsimiititaliami ilaasortaq Per Berthelsen tusagassiutinut nalunaaruteqarluni taamatut allappoq.
Naalakkersuisut Air Greenland tunulliullugu Air Iceland-imik salliutitsinerat aningaasaqarmut ataatsimiititaliami ilaasortamit isorineqarpoq.
Isornartorsiuisut ilagaat Inuit Ataqatigiit sinnerlugit aningaasaqarnermut ataatsimiititaliami ilaasortaq Aqqaluaq B. Egede, isumaqartoq namminersulivinniarnermut tamanna ungasillisaataasoq.
Piaartumik qanoq iliuuseqartoqartariaqartoq Siumut isumaqarpoq.
- Aalajangipallanneruvoq ungasinnerusoq eqqarsaatigineqarsimanngilaq isumaqatigiissuteqarsimanerlu itisilerugu misissuiffigineqartariaqarpoq piaartumillu aaqqiivigineqartariaqarluni, Per Berthelsen oqarpoq.
