Air Iceland Kangerlussuarmut timmisartuussisalissaaq
Air Icelandip timisartuutaanik aappagu aasarpat Kangerlussuarmit Keflavikkiliartoqarsinnaalissaaq.
Mittarfeqarfiit taakkua akornanni timmisartuussisalernissamik qangali pilersaarusiorlutik, aamma Islandimit Kangerlussuarmut aqqutissamik nunarsumi sumi tamanit angalatitseqatigiiffiit sivisuumik noqqaasimasut, tuniniaanermut piseqqusarusiornermullu pisortaq Ingi Tor Gudmundsson oqaluttuarpoq.
- Sermeq iigartartoq pinngortitarlu pilerigigamikku, Ingi Gudmundsson oqarpoq.
Ukiukkut angallassinissaq periarfissaasoq
Timmisisartuussisarnissaq juunimi 2016-imi aallarnerneqassaaq aasallu qaammataani ingerlassalluni. Ungasinnerusorli isigalugu Air Iceland piffissami sivisunerusumi timmisartuussisarsinnaanissamik eqqarsaateqarpoq.
- Kangerlussuaq marsimi apriilimilu qimusserfissaasarpoq soqutigineqartumik. Soqutiginnittorpasssuaqarporlu. Tamanna maanna iliuuseqarfigissanngilarput, timmisartuussisarnerulli sivisunerunissaanik pilerigisaqarpugut, Ingi Gudmundsson oqarpoq.
Timmisartut nutaat
Nutarsiassaq pingaartoq alla tassaavoq, Air Icelandip timmisartuutitoqqani atorunnaarsimammagit, taartissaannillu Bombadier Q 200-inik 37-inut inissalinnik marlunnik taavalu anginernik Bombadier Q 400-nik 72-inut inissalinnik pingasunik pisisimalluni.
Aamma atuaruk Kinamiut 1.000 Nunatsinnut 2013-imi tikeraarsarsimasut amerlisarniarneqarput
-Timmisartut taakkua anginerit minnerunngitsumik Kangianeersunik timmisartuussisarnissamut pingaaruteqarput, Ingi Gudmundsson oqarpoq tikkuarlugulu, Kangia maannakkorpiaq aallussarigitsik.
Mittarfiit takinerusut ujartorai
Timmisartut taakkua anginerit Kangerlussuarmut Narsarsuarmullu missinnaapput, Air Icelandilli timmisartuussiffigisartagai marluk naannerusunik miffissallit suli unammillernartuupput.
Aamma atuaruk Air Iceland: Qaqortumi mittarfiliortoqarnissaq pisariaqartinneqanngilaq
- Kalaallit Nunaanni miffissanik takinerusunik amigaateqarpugut, ingammillu Nuummi Ilulissanilu miffiusartut takinerulernissaat neriuutigaarput, Air Icelandip tuniniaanermut piseqqusarusiornermullu pisortaa Ingi Tor Gudmundsson oqaluttuarpoq.
