VIDEO Air Greenlandip timmisartuutaa ajornartoorluni Nuummi mittariaqalersoq
Mittarfeqarfinni attaveqaqatigiinnermut pisortaq, Hans Henrik Lichtenberg, KNR-imut oqaluttuarpoq timmisartoq teknikkikkut ajornartorsiuteqarluni mittariaqarsimasoq, qatserisartullu aamma ambulancet timmisartoq mimmat upalungaarsimatinneqarsimasut.
Timmisartoq ajornartorsiutitaqanngitsumik mippoq ilaasullu timmisartoq qimareerpaat.
- Dash 8 Narsarsuarmut ingerlaartoq teknikkikkut ajornartorsiuteqalerpoq, tassalu orsussamik erngartoornasorineqarluni.
- Timmisartoq Nuummut utertinneqarpoq, tassani teknikkikkut piginnaasat pigineqarmata. Timmisartoq ajornartorsiutitaqanngitsumik mippoq, kingornalu aamma paasineqarpoq orsussamik erngartoortoqarsimanngitsoq, Air Greenlandimi ingerlatsinermut pisortaq Morten Nielsen taama oqarpoq.