Air Greenlandip timmisartuussinera suli aallarteqqinngilaq

Air Grenlandimi timmisartukkut angallannermut qitiusumik aqutsisoqarfimmi pisortaq, Jørgen Erik Andersen, oqarpoq, Danmarkip Kalaallit Nunaatalu akornanni ullumikkut timmisartuussisoqarnavianngitsoq, neriuutigiginilu Kalaallit Nunaanni timmisartuussinerit ualeru aallarteqqinneqarumaartut.

Angalasussat 245-t Kangerlussuarmi nikinnaveeqqqapput, 220-t sineruissami illoqarfinni allallu 210-t Danmarkimi. Ingerlaqqissinnaanngitsut tamarmik hotelini unnuisinneqarumaartut Jørgen Erik Andersen oqarpoq.

Sulisut peqatigiiffiat saqisunik 60-inik ilaasortaqarpoq, taakkulu sulinerminnik unitsitsinerminnut patsisigaat soraarnerussutisiaqarnermut akiliutip angivallaarnera.

Soraarnerussutisiamut akiliut sulisumit akissarsiat procentiinik sisamanik akilerneqartarpoq, Air Greenland procentinik arfineq-pingasunik akiliisartoq.

Air Greenland-ip pisortaa Michael Binzer oqarpoq, saqisut ataatsimiinnerat tassaasoq siumut ilisimatitseqqaarnani suliumajunnaarnerusoq, taamaattumillu isumaqatigiissutinik unioqqutitsinerusoq. Michael Binzer nangippoq saqisut peqatigiiffiat aqagu pingasunngornermi ullaakkut ullaakkut qulinut ataatsimeeqatigineqassasoq.

Anders Mark Jensen naapertorlugu saqisut 25.000 koruunit missaannik qaammammusiaqarput, timmisartortitseqatigiinnullu allanut sanilliullutik akissarsiakinnerullutik.

Anders Mark Jensen Radioavisimut oqarpoq, saqisut sulileqqeqqullugit kajumissaarsimagaluarini, saqisulli tamanna itigartissimagaat.