Air Greenlandip isorliunerusunut timisartuussisarnini akitsorpaa

Piffissami kingullermi uuliap sukuluiarneqanngitsup akiata qaffarujussuarnera peqqutaalluni kiffartuussinissamik isumaqatigiissuteqarluni timmisartuussivinni akit qaffanneqartariaqarsimasut Christian Keldsen, tuniniaanermut niuernermullu pisortaasoq oqarpoq.
Allattoq Louise M. Kleemann
juulip 09-at 2008 08:20

Qaffaaneq kiffartuussinissamik isumaqatigiissuteqarluni timmisartuussivinni atuutileqqaassaaq.

Qaanaap illoqarfiata nunaqarfiisalu akornanni qulimiguulimmik angallassineq, taamatuttaaq Upernavimmi, Uummannami, Kujataani, Tasiilami kiisalu Nerlerit Inaanni aammattaarlu Upernaviup Uummannallu akornanni timmisartuussineq ukiuuneranilu Qeqertarsuarmut timmisartuussinerit, kiffartuussinissamik isumaqatigiissummi ilaapput.

Akinut qaffaat siumuinnaq bilitsinut 10 koruuninik aamma 135 koruuninik akitsorput, tamannalu ullumimiit atuutilerpoq.

Namminersornerullutik Oqartussanut kiffartuussinissamik isumaqatigiissuteqarluni sullissinerni angallassinermik ingerlatsisut, orsussap akiata qaffannerani akigitaminnik qaffaanissamut periarfissaqartitaasut Air Greenland ilisimatitsivoq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq