Air Greenlandip aqagu Islandiliartitsinissaa kinguartinneqarpoq
Air Greenlandip Nuummiit Keflavik-imut timmisartuusseqqaarnissani aqagu pisussaagaluaq sapaammut kinguartippaa.
Eyafjallajökull-ip arsakunik anitseqqinneranit qullaassat nunatta Islandillu akornanniilissapput, ilimagineqarporlu aqagu Keflavik-imi mittarfik nal. 12.00-miit nal. ak. 12-ni matoqqassasoq.
Tassunga ilaasussat Air Greenlandip toqqaannaq attaveqarfigissavai. Taakkulu nunatsinniit Islandiliartussat angalanissaat sapaammi timmisartuussinissamut nuunneqarput.
Air Greenlandip pisut qanimut malinnaafigiuarpai, arfininngorpallu Kulusuliartussat qinnuigineqarput nittartakkatsigut aamma Tekst-TV-kut paasissutissiisarnerit malittareqqullugit. Aqagu Kulusummut timmisartuussinissat pisumit eqqorneqassanersut massakkuugallartoq nalunarpoq. Kulusummiit Kulusummullu timmisartuussinissani kinguaattoortoqassagaluarpat Air Greenlandip ilaasussat toqqaannartumik attaveqarfigissavai.