Air Greenlandimi saqisut sulinermik unititsinerat 4 millioner kr-nik naleqarpoq
Air Greenlandip timmisartuini saqisut sapaatip akunnerani kingullermi sulinerminnik unitsitsinerat Air Greenlandimut 4 millioni koruuninik naleqartoq, angalatitseqatigiiffiit nutaarsiassaqartitsiviat Travel People allaaserisaqarpoq.
4 millioni koruunit taakkua qaavisigut Air Greenlandimut naammagittaalliuutit maannakkut ingerlanneqartut ilanngunneqassapput.
Timmisartumi saqisut soraarnerussutisiassaat sulinermik unitsitsinermi pingaarnerpaatinneqarpoq.
Taanna siullermik saqisunit akuerineqarpoq, kingusinnerusukkulli akileraarutinut tunngasortaa pillugu naammagittaalliorneq pilerpoq.
Annaasaqaataasut Air Greenlandip nammineerluni matussusertussaavai, timmisartuutileqatigiiffik nunatsinni Danmarkimiluuniit sulisitsisut peqatigiiffiinut ilaasortaannginnera pissutaalluni.