Air Greenlandip USA-mut Baltimore-mut angallassisalernissaa aappaagu pisalissaaq, ukiaq mannali novembarip qaammataani New Yorkimi marathon-mik arpattoqarnissaa iluatsillugu, Air Greenlandip timmisartuutaa, aqqutaasalertussamik ilisarititsilluni angallassissaaq.
Amerikamiut nunatsinnik takusaanissamik periarfissinneqarput, aammalu nunatsinni arpattartut USA-mut angallanneqarnissaannik periarfissinneqarlutik.
Kangerlussuarmiit Baltimore-mut timmisartuussineq siulleq pissaaq novembarip 9-ani, tassanilu ilaasorineqassapput, New Yorkimi marathonimi arpaqataasussat 45-t, pisortatigoortumillu immikkut ittumik qaaqqusat tusagassiortullu.