Air Greenlandip timmisartuussinissani tamaasa ullumi taamaatippai
Timmisartuutileqatigiiffiup Air Greenlandip kitaani sila ajornera pissutigalugu timmisartuussinissani tamaasa ullumikkut taamaatippai.
Upernavimmiit Narsarsuaq tikillugu silap ajornera pissutigalugu, timmisartuutileqatigiiffiup Air Greenlandip ullumikkut timmisartuussinissani tamaasa taamatippai.
Timmisartuutileqatigiffimmit nalunaarutigineqarpoq , Kangerlussuarmit timmisartuussineq ataaseq ingerlanneqarsimasoq, tassalu Kangerlussuarmit Ilulissanut taassumalu saniatigut Københavnemut timmisartuussisoqarluni.
Timmisartuussinissat uani takukkit : www.mit.gl
Air Greenlandimut ilaasussat timmisartuutileqatigiiffimmit kaammattorneqarput angerlarsimaannaqqullugit, ullumikkut timmisartoqarfiliarneq angusarfiussanngimmat.
Air Greenlandimit nalunaarutigineqarpoq, angalasussat tamarmik attavigineqarumaartut timmisartuussinissat allannguutaat pillugit.
Timmisartunut ilaasussat 134-it Kangerlussuarmi saperngupput, Air Greenlandillu naatsorsuutigaa, timmisartuussinerit aqagu ullaakkut ingerlanneqarsinnaajumaartut.
