Air Greenland: Qulimiguulik nakkanngilaq sakkortuumilli milluni
Air Greenlandip S 61-mi minnerliortumi aserfallatsaaliinerit tamaasa isumagisimavai.
Avisit Politikenip sermitsiap kiisalu webavisip nittartagaanni allaatigisanut Air Greenland taama akissuteqarpoq.
- Tusagassiutit Politikenip allatigisaanik saqqummiipput, allaatigisamilu taakkartorneqartut pillugit Air Greenland attavigineqarsimanngilaq, taamaattumik havari-kommissionip pisortatigoortumik nalunaarutaa maluginiaqquarput.
- Aserfallatsaaliinermut malitassat piumasaqaataasut tamakkerlugit Air Greenlandip malissimavai, motorimilu ajoqutaasoq nassaarineqarsinnaasimanngilaq. Motoori taamatut pisoqanngitsiarnerani Canadami Air Greenlandip ukiorpassuarni suleqatigisimasaanit misissorneqarsimavoq. S61N marlunnik motooreqarpoq pisariaqalissappallu ataasiinnarmik ingerlasinnaasutut sanaajulluni. Motoorimi akornut pisimasumut tunngaviusoq minngitsiarnerup ajornarnerpaaffiani pivoq sakkortuumillu mitsitsilluni. Akornut minnialernermi pinnani timmitilluni pisimagaluarpat, ilaasut sunnerneqarsimassanngikkaluarput.
Aamma pingaartuuvoq naqissusissallugu qulimiguulik nakkanngimmat, sakkortuumilli mimmat, tamannalu havarikommissionip nalunaarutaani erseqqissumik erserpoq, Air Greenlandimiut taama allapput.
