Air Greenland: Narsarsuup Københavnillu akornanni timmisartuussisoqassanngilaq
Narsarsuup Kangerlussuullu akornanni aasaq manna pisarnertut timmisartoqassanngilaq.
Air Greenlandimmi timmisartuussinermut aqqut ukioq manna taamaatinniarlugu aalajangerpaa. Timmisartuutileqatigiiffik tusagassiuutinut taama paasissutissiivoq.
Aasaanerani piffissami - tassa juunip 18-ianit septembarip 5-ianut - timmisartuussinerit sapaatip-akunneranut marlunngornermi sisamanngornermilu marluusaraluarput. Sapaatini-akunnerni ataasiakkaani pingasuusarIutik
Tusarfik: Air Greenland
- Angalanernut killilersuinerit atuuttut aammalu angalanerit piumaneqarnerisa appangaatsiarneri peqqutaallutik Air Greenland aalajangerpoq, 2020-mi Narsarsuup aamma Københavnip akornanni angallavik unitsikkallarniarlugu, tusagassiuutinut nalunaarummi allassimavoq.
AAMMA ATUARUK Air Greenlandimi atorfillit 60-it suliffeerutissasut
Timmisartumut ilaasussat billetsersereersimasut immikkut akiliuteqarnatik, Kangerlussuaq aqqusaarlugu timmisartuunneqassapput.
Ilaasussat angalanermut eqqugaasut pilersaarutinik nutaanik nassinneqassapput. Pilersaarut nutaaq ajussaguni ilaasussaq Air Greenlandip atuisunut kiffartuussivianut attaveqartoqassaaq. Taamaalilluni angalanissamut ullumik nutaamik qinnuteqartoqarsinnaavoq imaluunniit aningaasat utertinneqarsinnaassallutik.
Imarpik qulaannerani kiinnamut assiaqutit
Timmisartuutileqatigiiffiup tusagassiuutinut nalunaaruteqarnermini imarpik qulaallugu timmisartuussinermi ilaasut kiinnamut assiaqummik qinngamut qanermullu assersuisumik atugaqarnissaat aamma paasissutissiissutigaa. Tamanna danskit oqartussaasuisa piumasaqaataannik tunngaveqarpoq, nunatsinnilu timmisartuussinermut atuunnani.
- Kiinnamut assiaquteqarnissamut peqqussuteqarneq Air Greenlandip nunap iluani angallaviinut atuutsinneqanngilaq, kisiannili ilaasussagut tamarmik aallannginnerminni kiinnamut assiaqummik pissarseqqullugit inassuteqarfigaagut, Air Greenland allappoq.