Air Greenland-ip timmisartorsua kinguaattoorpoq
Timmisartorsuaq Københavnimiit aallannginnermini teknikkikkut ajornartorsiummik annikitsumik nalaanneqarpoq tamannalu maannakkut misissorneqarpoq iluarsineqarlunilu.
Norsaq qallunaat nalunaaqutaat malillugu 14.30 pingasunut qiteqquppat qallunaat nunaannit aallassaaq. Kangerlussuarmullu tikissaaq nunatta nalunaaqutaa malillugu ualimut pingasut qaangerlugu tanneq marlunut. Kangerlussuarmiillu København-imut aallarnissaa pilersaarutaavoq tallimanut tanneq arfineq pingasunut.
Tamatuma kingunerissavaa sinerissami timmisartuussinissat kinguaattoornerinut,
taamaattorli Air Greenland angallannermut qullersaqarfianiit sapinngisaq naapertorlugu angalasut ornitaminnut ullup ingerlanerani apuunnissaat sulissutigineqarpoq.
Timmisartuussineq GL204/205 tassa Ilulissat-Upernavik-Ilulissat taamaatinneqarpoq, timmisartortartunut qasuersaarnissamik maleruaqqusat peqqutigalugit. Timmisartuussinissap taassuma aqagu tallimanngornermi ingerlanneqarnissaa naatsorsuutigineqarpoq.
