Kujataani sekundtimut meterimut 31-nik sakkortussusilimmik anorersuarujussuarmat Air Greenlandi uninngatitaasoq

Sialuk, anori apullu serminnguunnikoq. Taakkuupput nuna tamakkerlugu timmisartuussinerit uninngagallarneranut peqqutaasut. Kujataani anorersuarujussuarnera peqqutaalluni kujataanut kujataaniillu ilaasussat 41-ut eqqugaallutik timmisartuussinerit unitsinneqarput. Tunumukartussat aammattaaq angalanissaraluat aqagumut kinguartinneqarput.

Kujataanut kujataaniillu timmisartuussinissat aamma kulusumut timmisartuussinissat taamaatiinnarneqartut siulliit marluupput, Christian Kjeldsen oqarpoq nangillunilu:

Kujataani anorersuarujussuaq 62 knobitut sakkortutigaaq, ilaasullu 27-it paamiunut narsarsuarmullu ingerlasussaagaluarput, utimullu narsarsuarmiit nuummut 14-it  ilaasussaagaluarlutik. Timmisartuussinissaraluit unitsiinnarpavut aqagu ilimagaarput ingerlaqqinnissaat.

- Kulusuk eqqarsaatigalugu sila allanngorarsimavoq, ullaaq manna ersernerlunnerata angalaffissaasimanngilaq timmisartuussinissaraluillu ilaasut 16-it eqqorlugit aqagumut kinguartinneqarput, Air Greenlandimi attaveqaqatigiinnermut pisortaq Christian Kjeldsen taama oqarpoq.

Nuummi mittarfiup sermersimanerata angalanissaraluit aamma ajornartorsiortippai. Nuummiit Sisimiunut, Aasiannut Ilulissanullu timmisartoq 27-nik ilaasoqarluni ingerlasussaq kinguaattoorluni maannarpiaq aallarnissaa ilimagineqarpoq. Sisimiuniillu timmisartoq 31-nik ilaasussalik ullup ingerlanerani nuummut apuutissangatinneqarpoq.