Air Greenland bilitsit akiinik allannguissaaq

Allatigut akikilliliisalernissaq Air Greenlandip siunniuppaa, ilaatigut ullut angalaarfigineqannginnerusartut akikillillugit akikinnerusumik angalasoqarsinnaalissaaq. Qaqugukkut akikinnerusumik angalasoqarsinnaanersoq misissoriaannaaniassammat, Air Greenlandip nittartagaani ullut sorliit angalaffigaluit akikinnerussanersut ullorsiutini takuneqarsinnaasassapput.

Christian Keldsen oqarpoq bilitsimik inniminniiaartut akikinnerusumik akiliisarnissaat anguniarneqartoq, piffissallu angallavigineqarnerpaasartut avataasigut aamma akikillissaasoqartassasoq oqarluni. Soorlu Nuummiit ullaaralaaq angalasinnaasut kingusinerusukkut angalarusuttuniit akikinnerusumik angalasinnaalissapput. Aasakkut angallannerinnaq aningaasarsiorfigiunnaarlugu allanik piumasaqartut aamma isertitsissutaasinnaalernissaat anguniarneqartoq, Christian Keldsen oqarpoq.