Inuussutissarsiutit

Air Greenland aasaanerani angallassinikkut pilersaaruterpassuaqartoq

Air Greenland Islandimut aqqummik nutaamik aasamut atuutilersitsissaaq aammalu unnuaanerani timmisartuussisarnini Narsarsuarmiillu Danmarkimut toqqaannartumik timmisartuussisarnini amerlissamaarlugit.

Allattoq Camilla Dam

septembarip 10-at 2015 05:48

Nutserisoq Simon Uldum -

Timmisartortitseqatigiiffiup tuniniaanermi pisortaa, Christian Keldsen, nittartakkamut standby.dk-mut taama oqarpoq.

Timmisartortitseqatigiiffik aasaq juunip juulillu qaammataanni aatsaat taama amerlatigisunik angallassereerluni aappaagumut isumalluarneruliinnarpoq.

Air Greenland Ilulissat aamma Islandimi Keflavikip akornanni juunimi aggustimilu katillugit 16-eriarluni timmisartuussiniarpoq Nunattalu Danmarkillu akornanni unnuaanerani katillugit arfineq-pingasoriarluni timmisartuussiniarluni.

- Taamaaliornikkut Europamit allaniillu tikittut angumerineqarsinnaalissapput kiisalu aamma Københavnimut ullaakkut tikinnermi nunarsuarmi sumiiffinnut allanut ingerlaqqiffissat allat angumerineqarsinnaassallutik.

Aamma atuaruk Isorliunerusuni jullisioriareeruit angerlarnaveersinnaavutit

- Nunatsinnit nunatsinnut angalasut taamaalillutik Danmarkimi unnuisariaqarunnaassapput, taamaalillutillu aamma sipaaruteqassallutik, Christian Keldsen taama oqarpoq.

Aammattaaq Narsarsuarmit timmisartuussinerit 25-usut timmisartuussinernik arfinilinnik ilaqqinneqassapput.

Aamma atuaruk Timmisartorlutik angalasut amerlanerusut

Nutaarsiassami kukkunermik nassaarsimaguit uunga allaffigineqarsinnaavugut.