Air France-imut ilaasut pingasut timaat nassaarineqarput
Timmisartumit Air Francemit, imarpimmut Atlantikumut ataasinngormat nakkartumit, issimasut ilaat pingasut timaat ullumi nassaarineqarput, Brasiliami sakkutuut timmisartoqarfianniit taama ilisimatitsipput.
juunip 07-at 2009 13:32
Timmisartup Air France-p aseqqukui inuillu toqungasut timaat marluk ippassaq arfininngornermi unnukkut nassaarineqarput.
Timmisartup aseqqukuinut nassaarineqartunut ilaavoq timmisartumi issiavik normutalik, taannalu tassa Air France-p timmisartuutaaneersuuneragaavoq. Nassaarineqartunuttaaq ilaavoq nammattagaq, taassuma iluaniilluni boksi, bilitsi Air France-mut atorneqarsimasoq tassani boksimiilluni.
Kisianni bilitsimik piginnissimasoq sumiuunersoq takuneqarsinnaasimanngilaq.
Timmisartoq nakkartoq tassaavoq Airbus 330-200, taannalu 228-nik issimasoqarluni Brasiliami Rio de Janeiromiit Frankrigimi Parisiliartilluni nakkarpoq, issimasunut ilaalluni arnaq danskiusoq, Sønderjyllandimeersoq.
