Aimamik atuakkiaq aapperneqartoq
Aimaaraq Bolatta Silis-Høeghip meeqqanut atuakkiaani inuttaatinneqartoq atuakkiareqqinneqarpoq.
Allattoq Martine Lind Krebs, Simon Uldum
Atuagaq taaguteqartoq Aima schhh!, danskisut, tuluttut kalaallisullu juulip pingajuani saqqummissaaq.
Atuakkami nutaami Aima ersinngitsumik ikinngutitaarsimavoq, Mannarsi Pandetage Isbo Sodavagn Chokolarsen, taassumalu unnukkuakkut eqqumatittarpaa aqaguanilu qasutittarlugu. Angajoqqaavata tamanna soorunami iluaageqaat, Aimalu pisuutitaavoq, uffa Manna eqqumatitsisartoq.
Bolatta Silis-Høegh atuakkiortuuvoq atuagarlu atuakkami siullermisut qiortakkanik assiliartalersorsimallugu.
Aima schhh!-p saqqummersinneqarnera Katuami juulip pingajuani nalliussineqassaaq.