AIDS-ip ullua malunnartiniarlugu ingerlaaqatigiissapput
Ilinniartut ilinniartitsisullu ullormi tassani Namminersornerullutik Oqartussat tungaannut ingerlaaqatigiissapput, taamaaliornermikkut nappaatip nunatsinni innuttaasunut paasisitsiniutigineqarnissaata pingaaruteqarnera malunnartikkusullugu.
- HIV aamma AIDS pillugit paasisitsiniaaneq pinaveersaartitsinerlu maanna aatsaat taamak annertutigilerpoq pisariaqartinneqartigilerlunilu, ingammik aningaasaateqarfiup AIDS Fondenip nunatsinniittup matuneqarnerata kingornagut, Nuummi Niuernermik Ilinniarfimmi aaqqissuussisut oqarput.
Ilinniartut ilinniartitsisullu ingerlaaqatigiinnerminni tamarmik qilernermik,
AIDS akiorniarlugu tapersersuinerup ilisarnaataanik atugaqassapput.
Nuummi Niuernermik Ilinniarfimmi aaqqissuussineq Danmarkimi AIDS Fonden suleqatigalugu ingerlanneqassaaq.
