Ahmed Akkari: Kalaallit Nunaannut qimaanngilanga
Taanna neriuppoq Narsami akaareqatigiissinnaassuseq maannamut malugisinnaasimasani allat ilikkarumaaraat.
Suna pillugu Kalaalllit Nunaannut qimaassanerlunga naluara, ilumuunngilaq tusagassiorfiit arlallit Kalaallit Nunaannut qimaasimanerarlunga allaaserimmannga, Ahmed Akkari oqarpoq. Uanga nammineq piummasusera aallaavigalugu maaniippunga, Narsamiinnera ajunngivippoq, inuit inussiarneqaat illoqarfillu nuannerpoq. Nutaanik ilisimasaqalerniarlunga, inunnik allanik naapitsiniarlunga kulturimillu allamik misigisaqarusullunga maaniippunga Ahmed Akkari oqarpoq. Nunarsuarmi pisunik ilikkagarniarpunga taamaattumillu Kalaallit Nunaat tassaavoq ilikkagaqarfigineqarnerusinnaasoq.
Qallunaat amerlanerit uannut isiginninnerat kukkuneruvoq.
Ajattugassaqqissutut qallunaat nalilersimavaannga tamannalu kukkuneruvoq. Maani Narsami inuit imminnut akaareqatigiinnerat innersuussutigisinnaavara. Suleqatigiittut sanilitut inuttullu imminnut naapikkaangamik inuttut naleqassuseq tunngavigisarpaat, allamik naamik.
Akaareqatigiinnginneq ajunngitsumik kinguneqanngisaannarpoq. Illoqarfimmi maani akaareqatigiinneq atuuttoq inuit allat ilikkassagaat kajumissaarutigissavara.
Ahmed Akkarip ukioq ataaseq marlulluunniit Narsami najugaqarnissani naatsorsuutigaa, naminerlu oqarnera malillugu Narsami innutaasut inussiarnersumik eqqissisimasumillu tikilluaqqusimavaat.
