Agurkit Spaniameersut pasitsaanneqarput

Naatitanik Tysklandimeersunik nerinissaq Uumasut nakorsaqarnerisigut immikkoortortaqarfiup ippassaq mianersoqqussutigaa. Maannali pasitsaanneqarpoq agurkit Spaniameersut bakteeriamik VTEC-imik navianarluinnartumik akoqartut, arnallu pingasut Tysklandip avannaaneersut bakteeria taanna maannamut toqqutigisimavaat.
Allattoq Carla Davidsen
maajip 27-at 2011 05:43

Madridimi peqqinnissamut ministereqarfik maanna misissuivoq, Spaniap kujasissuani provinsini, Malagami Almeriamilu, naasorissaasut naatitaat misissorneqarlutik.

Spaniamili oqartussaasut ilimagaat, agurkit Tysklandimut nassiunneqareerlutik bakteeriaqalersimassasut.

Inuit 700-t sinnillit timmittut Tysklandimi oqartussaasut nalunaarsoreersimavaat, bakteeriamik taassuminnga tunillatsissimanngikkunik tunillatsissimanissaannik pasitsaanneqartut.

Tysklandimi naalagaaffiup akiuussutissaliornermut ingerlatsivianit, Robert-Koch-Institutimit, oqaatigineqarpoq, bakteeriamik VTEC-mik aatsaat taama annertutigisumik nappaalasoqartoq.

Tysklandimiillu nunanut EU-mut atasunut aamma siaruaassorpoq. Danmarkimi, Sverigemi, Tuluit Nunaanni aamma Hollandimi tunillatsissimasunik naammatuuisoqareerluni.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq