Agnethe Davidsen toquvoq
Nuummi ukiorpassuarni borgmesteriusoq Agnethe Davidsen qaratsamigut aanaartoornini novembarip ulluisa 25-anni toqqutigaa, taama Nuup Kommunea tusagassiuutinut nalunaaruteqarpoq.
- Aliasungaarluta nalunaarutigissavarput borgmestererput asasarput Agnethe Davidsen ullaaq manna toqummat sivikitsumik inuummarluuteqareerluni, taama Borgmesterip tullersortaa siulleq MalînánguaK Marcussen Mølgaard borgmesterillu tullersortaata tullia Per Berthelsen Nuup Kommunea sinnerlugu allagaqarput.
Sermitsiaq.gl-imi allaaserineqarpoq, borgmesteri 60-inik ukioqartoq niaqorluttorujussuunini pillugu Dronning Ingridip napparsimmavianut ippassaq unnukkut unitsinneqartoq, sunaaffa tassa qaratsimigut aanaartorsimasoq. Agnethe Davidsenip aanaartoornini sapaatip ullaavani toqqutigaa.
SMS-ikkut nalunaaqattaanneq maanna ingerlanneqaleruttorpoq, ima allassimasoq:
- Arnaq ataqqinartoq Nuummi borgmesteri Agnethe Davidsen ullaaq aanaartoorluni toquvoq. Ataqqiniarlugu qimagaasullu misiginneqatigalugit igalaap saani naneruutinik ikitseqatigisigut.