Agnethe Davidsen qineqqusaarusuppoq!

Borgmesteri Inatsisartuni politikeriusoq.

Inatsisartuni qinersisoqareerpat imaassinnaavoq nunatsinni illoqarfiit annersaata borgmesteria taama inissittoq.

Radio aviisimiit paasivarput Nuummi siumup immikkoortortaqarfiata ippassaq ataatsimiinnerani inuit aqqaneq-marluk toqqagassat akornanni ukiuni aqqaneq-marlunni Nuummi borgmesteriusimasoq sassartunut aamma akuusoq.

Parteeqataa Kim Godtfredsen Agnethe Davidsenilu marluullutik qinigassanngortinnissaminnik Hans Enoksenimit kajumissaarneqarsimapput.

- Marluulluta tamanna akuersaarparput, Kim Godtfredsen radio aviisimut oqarpoq.

Nuummi borgmesteri Inatsisartuni qinigaassagaluarpat, aatsaat pernarluni nuna tamakkerlugu politikeriunavianngilaq.

Nunatsinnimi arnani siullersaalluni 1983-imi Naalakkersuisuni ilaasortaasimavoq, taamani 1983-imi Isumaginninnermut Naalakkersuisutut toqqagaagami.

1995-imi Inatsisartunut aamma qinigaavoq, ukiullu marluk Inatsisartuni ilaasortaavoq.

Politikkikkut sunniuteqarluarnera pillugu 1997-imi kunngikkormiut saqqarmiuliuttagaannik Dannebrogimik saqqarmiulerneqarpoq.

Ukiorlu taanna kommunemi borgmesteritut sulinini tamakkiisumik ingerlakkusullugu Inatsisartuniit tunuarpoq.

Tassa imaappoq: Agnethe Davidsen maanna novemberip 15-ianiit kingumut Inatsisartunut uteqqinnialersaalerpoq.

Agnethe Davidsen ullumikkut oqaaseqarnianngilaq.

Tallimanngorpalli Siumut Nuuk inuit aqqaneq-marluk akornanni inuit tallimat arfinillilluunniit toqqareerpatigit aatsaat Agnethe Davidsen taakkununnga akuussanersoq qulakkeerneqassaaq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat