Agnethe Davidsen KANUKOKA-mit Naalakkersuisullu siulitaasuanit qutsavigineqarpoq
-innuttaasut sumiiffimminni oqartussaaqataanerata ineriartortinneqarnissaanik sorsuutiginnilluni saqqummertarsimavoq. KANUKOKA-mi siulittaasoq Søren Alaufesen allappoq, nangillunilu: Agnethe Davidsenip toquneratigut annaasaqarpugut nalinganik taarserniassallugu imaannaan¬ngitsuusussamik. Eqqarsaataali siuliani taaneqartut KANUKOKA-p suleqataaffigissavai.
Naalakkersuisut siulittaasuat Hans Enoksen Agnethe Davidsen-ip toqukkut qimagunnerani misiginneqatiginnerminik imak allappoq:
Qitornai, erngutanngui, ilaqutai ikinngutaalu atukkassinni artornangaartumi eqqarsaatitsinni najorlusi misiginneqatigingaarpatsigit. Inummik angisuumik sunniuteqartumik tamatta annaasaqarpugut minnerunngitsumillu Nuummi innuttaasugut ningioorsertutut misigisimanitsinni ilissi ilaqutaasusi eqqarsaatitsigut najorpassi, Hans Enoksen allappoq nangillunilu: Piffissami matumanerpiaq Agnethe Davidsen-ip qimagutiaarpallaarnera annaasaqaataavoq annertooq. Kommunit aaqqissuuteqqinneqarnissaanni suliarujussuarmi Agnethe Davidsen sunniuteqarsimaqaaq
