Aggustimi iperagaasinnaanngilaq
60-inik ukiullip Ole Møllerip Herstedvesterimit aggustimi iperagaanissaagalua kinguartinneqarpoq. Ole Møller-i pillugu suliaq Højesteretimi suliarineqartussanngormat, ingerlatitseqqinnissamik aalajangiisarfik tallimanngormat taama aalajangiivoq.
Nunatta eqqartuussiveqarfiata februaarimi aalajangeraluarpaa Ole Møller aggustimi misiligummik iperagaaneqarsinnaasoq, pinerluttulerinermilli inatsit naapertorlugu taamaaliornissamut tunngavissaqarsorinngikkini naalagaaffiup unnerluussisuunerata oqaatigaa. Suliaq taamaasilluni Højesteretimut ingerlateqqinneqarpoq.
Nunatta eqqartuussiveqarfiata pineqaatissiinera Herstedvesterip aamma isumaqatiginngilaa. Tamanna pillugu Ole Møllerip misiligummik iperagaanissaa periarfissaqartissinnaanngikkitsik Herstedvesterip aalajangerpaa.
Ole Møllerip illersuisiata Thorkild Høyerip tamanna pissusissamisuunngitsuunerarpaa.