Agathe Fontain Neriuffimmit illuatungilerneqarpoq
Kræftemik napparsimalersimasut katsorsarneqarnissamik utaqqisutut nalunaarsorneqarneq ajortut, ingerlaannarli katsorsarneqartartut peqqissutsimut naalakkersuisup Agathe Fontainip, Qanoruumi pingasunngormat oqarnera, Neriuffiit Kattufiannit illuatungilerneqarpoq.
Allattoq Janus Maqé
oktobarip 27-at 2009 05:56
Nappaateqalersimasunik kaatsorsartinnissamik utaqqisoqartartoq Neriufimmi siulittaasoq Johanne Olsen oqarpoq.
- Uagut tusartakkavut naapertorlugit utaqqisoqartarpoq suliaritinnissaminnut piareersimasarput. Utaqqisunut allatsinneq ajorput soorunami tullinnguunnisartik utaqqisarpaat. Pingaartumik Danmarkimut suliaritikkiartortussat, Johanne Olsen oqarpoq.
Nuummi inissitat aamma utaqqisartut paasisarlugit oqaatigaa. Ilaatigullu tulleriiaarineri pissutigalugit sivisungaatsiartumikutaqqisoqartarluni.
- Pingaartumik nunaqarfimmiut avinngarusimasuneersullu utaqqisariaqartarput.Tamanna uppernarsarsinnaavarput arlalinniit tusartinneqartarpugut, Johanne Olsen oqarpoq
Qassilli utaqqisarnersut Neriuffiit Kattuffiannit kisitsisaatigineqanngilaq.
