Agathe Fontain: Ernumanissamut peqqutissaqanngilaq

- Sinerissami napparsimmavinni pikkorissorpassuarnik nakorsaqarpoq, pisariaqalivissappallu taakku suliarinnissinnaapput ikuussinnaallutillu, Agathe Fontain oqarpoq.

Pisariaqavissumik suliaritittussat Danmarkimut sapaatip akunneranut aallartinneqartartut pingasut tallimallu akornanniipput. Maannali tamanna ajornarpoq. Tuaviortumik suliaritittussat timmisartumik Nuuliaanneqarnissaat ajornarsissappat umiarsuakkut angallassineq atorneqalissasoq, Peqqissutsimut Naalakkersuisoq oqarpoq.

- Pisariaqavissumik suliaritittussamik nalaataqassagaluarutta immakkut angallatit aallaavigisariaqassavagut, Agathe Fontain oqarpoq.

Silaannakkut timmisartumik angallassinerup unitsinneqarnera sivisuumik atuuttuutinneqassappat, nakorsaatinik amigaateqalernissaq aamma ernumanartoqanngitsoq, Agathe Fontain oqarpoq.

- Upalugaarsimanerup iluani nakorsaatinik piareersimasuuteqarpugut. Ajornartorsiulissagaluaruttali Danmarkimiit umiarsuakkut nakorsaatinik tikisitsinissaq ajornanngilaq, Agathe Fontain naggaviisvoq.

Napparsimasut tuaviortumik suliaritittussat Norgeliaanneqartarnissaat periarfissaavoq. Maannamulli Norgeliaassinissaq siunniussaanngikkallartoq Peqqissutsimut Naalaakkersuisoqarfiup oqaatigaa.