AG-mi naatsorsuuserisuusimasoq eqqartuussaassaaq

2003-miit 2006-imut arnaq peqquserluuteqartarsimavoq.

Allattoq Elisa Isaksen

septembarip 24-at 2007 16:57

AG-mi naatsorsuuserisuusimasoq,

Avisimut 641.000 koruuninik peqquserluuteqarsimasutut naatsorsuuserisutullu

suleqqusaajunnaartutut unnerluutigineqartoq,

maanna eqqartuussaassaaq. AG aqagu saqqummertussaq taama allaaserisaqarpoq.

Jylland-imi Thisted Ret-imi eqqartuussineq

ingerlanneqassaaq, tassa arnap maannakkut 65-inik ukiullip angisuumik peqquserluuteqarsimanermi

kingorna nuuffigisaani.

Unnerluussisut malillugit 2003-miit 2006-imut arnaq peqquserluuteqartarsimavoq.

Kukkunersiuisut kukkunersiuinerisa nalaani naatsorsuuserisuusimasoq nalaatsornikkut paasineqarpoq, tassa aningaaserivinni

kontonit aningaasanik tillittarsimasoq

paasineqarmat.

Arnap peqquserluuteqarsimanini

nassuerutigaa, peqquserluuteqaqqikkunilu

pineqaatissinneqassaaq

inuiaqatigiinniluunniit kiffaartuussisussatut

pineqaatissinneqassasoq

unnerluussisunit oqaatigineqarpoq.