AG-imi tusagassiortoq "ataasiinnarmik amerlanerussuteqarlutik nangiarnartorsiussapput"
Naalakkersuisoqatigiit Arsarnernik taaguuteqartut ukioq ataaseq affarlu atapput. Naalakkersuisooqatigiikkunnaarnermi isumaqatigiingissutaavoq raajanut nalunaarut. Aviisimi AG-imi tusagassiortoq Elna Egede ukiorpaalunni naalakkersuinermik suliaqartut pillugit sammisaqartartoq, isumaqarpoq raajat pillugit nalunaarut kisimiillunni naalakkersuisooqaatigiit alajaaluusornerannut patsisaasoq, naalakkersuisooqatigiillu inuit partiillu akunnerminni aporaaffeqarsinnaanerat patsisaaqataasutut nalilerpai, naalakkersuisooqatigiilersullu ataannarnissaat nangiarnartoqartippaa ataasinnaarmik amerlanerussuteqarnerat pillugu aammalu partiip Atassutip iluani isummat assigiingittarnerat.
” Naalakkersuisut alalusoornerat raajanut aamma tungagaluarpoq aamma inuttanut aamma tunngasutut isigaara. Naalakkersuisut nutaat, Siumut Atassullu isumaqatigiissutaat misissuataaraanni siuliini naalakkersuisunut isumaqatigiissumit allaanerungaanngilaq, tassa taakkorpiaat ingerlaqqissapput annikitsunnguamik allanngortilaarlugit” Elna Egede oqarpoq.
Raajat pillugit nalunaarummut tunngavallaarani inuttanut partiillu akornanni pisunut tunngasimassaaq, Elna Egede AG-mi tusagassiortoq oqarpoq. Partii Atassutip iluani aamma assigiinngitsunik isummanik aalasoqartarpoq. Ataasinnarmik amerlanerussuteqarluni naalakersuisooqatigiinneq Elna Egede-p nangiarnartoqartippaa.
Oqaluttuarisaanermi naalakkersuisoqatigiit partiinit assigiingitsunik pingasunit naalakkersuuffigineqartoq aatsaat misilinneqarpoq.
