Afrikamiut qimaasut qiullutillu qilallutik toqupput
Afrikamiut 47-t Europamut nunasiniarlutik anngiortumik qimaasut Kanariamiut qeqertaannukartillutik angallatertik Atlantikumi ikkarlimmat qiullutik qilallutillu toqusimapput, angallammiittut allat 98-it annapput.
Mauretaniamiut isumannaallisaanikkut atorfilittaat ullumi taamatut nalunaarpoq.
novembarip 06-at 2007 15:22
Qimaasut Senegalimiit sapaatip akunneri pingasut matuma siorna aallarsimapput, Spaniamilu anngiortumik nunasiniassamaarsimallutik. Mauretaniamiut atorfilittaat nalunaarpoq angallat Marokkop avataani motooriminik unittoorsimasoq kingornalu ikkarlilluni, toqusut annattunit immamut iginneqartarsimapput.
Atorfillit nalunaarput qimaasut amerlanersaat Senegalimeersut, aammali Mali-miit, Guinea-Bissau-imiit, Gambia-miillu ilaqarsimasut.
Spaniami Kanariamiut qeqertaat, tassanngaanniillu, Europami anngiortumik nunasiniassamaartunit, ukiut kingulliit afrikamiunit qimaaffigineqakkajupput. 2006-imi qimaasut 31.000-it qeqertanut anngiortumik nunasipput.
