Afrikami timmisartoq nakkartoq
Timmisartoq inunnik assartuutaasoq Afrika-miittumi Kenya Airways-imeersoq Afrikap ilaanut Cameroun-imut unnuaq nakkarsimavoq.
Timmisartup ilaasorai inuit 106-t timmisartullu saqisui qulingiluat, taakkulu tamarmik suli nassaarineqarsimanngillat aammalu annassimasoqarnera suli ilisimaneqanngitsoq dr-ip tusarliuppaa.
Timmisartoq Afrikap ilaani Abudjan-iminngaanniit Kenyami Nairobi-p tungaanut ingerlaaraluarpoq Camerounimullu aqqutaani mittussaasimalluni. Camerounimiit tingeriitsiartorlu nunamiit timmisartumut nakkutilliisut timmisartup ajutuulerneranik kalerrinneqarput taamalu timmisartumut attaveqarsinnaajunnaarlutik.
Oqaatigineqarpoq ilaasut nunani assigiinngitsuni 23-neersuusut. Oqaatigineqarportaaq timmisartoqarfiup eqqaani timmisartumi nakkaqataasut qanigisaanut tuppallersaavimmik piareersimatitsisoqartoq.
