Afrikami præsidentinngortitsineq najuuffigineqarluarpoq
Inuit titusindtilippassuit sialleraluaqisoq præsidentip ivertinneqarneranut alakkarteripput, Afrikamilu naalagaaffimmi pisortat aamma peqataapput, apartheid atorunnaarsinneqarmat præsidenti siulleq aamma peqataalluni.
Jacob Zumap nuliai pingasut tamarmik aamma ilaapput, nuliaasali angajullersaata kisimi uini uppernarsaalluni qaqiffissaanut ingerlaqatigaa.
Jacob Zuma 90-inik ukiullip Nelson Mandelap sioraani seeqqumiarpoq, præsidentimut uppernarsaannginnermini.
Jacob Zuma politikkikkut malunniutilimmik utersaarpoq:
Pinngitsaaliilluni arneriniarsimasutut unnerluussaanikuuvoqatorfimminilu ileqqorlussimasutut aamma unnerluussaasimalluni, maannalu tassa Sydafrikami præsidentinngorpoq.
Sydafrikami aningaasarsiorneq ukiut 17-it ingerlaneranni aatsaat kinguariartuleruttortoq Zuma præsidentitut ivertinneqarpoq. Aningaasaqarniarnerup ilorraap tungaanut aallarteqqinnissaa suliassaasa annerit ilagissavaat, aningaasaqarniarnermi Afrikami pingaaruteqarnerpaammat.