Afrika nunarsuup tamarmi karrinut toqqorsiviatut
Ukiut sisamaannaat matuma siornagut Malawip nunanit allanit inuussutissatigut ikiorsiissutinik amerlaqisunik isumalluuteqarsimagaluarnini atorunnaariartorsimavaa majsinillu avammut tunisassiortunngorsimalluni. Tamatumani Malawimi naasorissaasut naatsiiassanut naggorisaatissanullu atugassaannik naalakkersuisut aningaasatigut tapiissuteqarnerat pissutaavoq, tamatumalu nunamut uuttuummi nappartamik taaneqartartumi ataatsimi pissarsiarineqartartut ukiut sisamat ingerlaneranni sisamariaatinngorsimanerat kinguneralugu.
Malawimi tupinnartuliatut taaneqartartoq tamanna kisiartaanngilaq. Rwandami ukiuni kingullerni nunalerinermi tunisassiorneq 15 procentinik amerlanerusunilluunniit annertuseriarsimavoq, qanittukkullu tamanut tusarliunneqarluni Ghana nunanit tamanit siullersaalluni Naalagaaffiit Peqatigiit ukioq 2015-imi anguniagaannik, tassalu kaattut piitsullu affaannanngortinneqarnissaannik, naammassinnissimalluni.
Nunarsuarmi nunat naggorissakkat 25 procentiat massakkut Afrikamiippoq, inuussutissalli qulerarterutaannaat tunisassiarineqartarlutik. Naammassisaqarsinnaassuserli annertusineqarpat, minnerunngitsumillu nuna inerititaqarluarnartoq suli annertusineqarpat, taava Afrikami naasorissaasut siunissaat qaamasuuvoq.
- Naasorissaasut naalakkersuisullu suleqatigiinnerat Afrikami inuussutissaqarnerup qulakkeerneqarneranik aningaasarsiornerullu siuariarneranik pilersitsisinnaavoq, taama oqarpoq Naalagaaffiit Peqatigiinni siornatigut generalsekretæriusimasoq Kohfi Anan, Afrikami nunalerinerup ineriartortinneqarneranik inuussutissanillu tusassiorneranik suliniuteqarnermut annertuumut maanna siuttuusoq.
